Egitasmoaren helburua zera da: Tindoufeko kanpalekuetan errefuxiatuta bizi diren zenbait ume Aramaiora ekartzea uztailean eta abuztuan hemen egon daitezen. Hain zuzen ere, uztailaren 6tik irailaren 6ra bitartean izango dira Euskal Herrian.
Etxe bila
Hala, orain gauza da ume horiek hartzeko familiak aurkitzea. Interesa duenak udal bulegoetara joan beharko du izena ematera datorren martxoaren 29a baino lehen. Besteak beste, familia horrek 471 euro ordaindu beharko ditu umea ekartzeko. Diru hori umeen eta begiraleen hegazkin txartelak ordaintzeko eta bestelako gastuak ordaintzeko erabiliko dute.
Jaurlaritzak abiarazi du umeak ekartzeko ekimena. Guztira, 450 ume ekarri nahi dituzte.
Errefuxiatuta bizi diren zenbait ume saharar Aramaiora ekartzeko egitasmoan parte hartuko du Udalak. Asmoa da udan ekartzea ume horiek. Martxoaren 29a baino lehen eman beharra dago izena.