Espainiako txapeldun. Aurten ere egin du oletarrak. Gijonen jokatu zuten orain dela gutxi borroka libreko emakumezkoen liga, eta hantxe eskuratu zituen Maider Undak txapeldun izendatzen duten domina eta diploma, seigarren urtez.
Atenastik zilarra
Eta ez hori bakarrik. Joan den asteburuan Atenasen egon da olinpiar jokoen simulazio batean parte hartzen, eta handik zilarrezko domina ekarri du etxera, Frantziari, Austriari eta aurreneko aldiz Errusiari irabazi ostean.
Entrenamenduetan
Madrilen da orain Maider Unda, gogor entrenatzen. Izan ere, martxo hasieran, olinpiar jokoetan sailkatzeko txapelketa izango du aurrez aurre. Tunisian izango da hori. Han, hiru lehiakide sailkatu ahal izango dira joko olinpikoetarako.
Edozelan ere, Tunisian lortzen ez badu, martxo bukaeran beste aukera bat izango du, Madrilen. Olinpiar jokoetarako beste hiru lagun sailkatuko dira han