Plastikoak batzeko ontziak dira hori kolorekoak. Ibarraz gain, auzo guztietan ipiniko dituzte edukiontziak, bakoitzean bana.
Oraindik xehetasun guztiak erabaki barik daude, baina seguru aski Ibarran lau edukiontzi hori ipiniko dituzte, eta auzoetan bana. Espero dute 15 bat egunean ontziak beteko direla; hortaz, hamabostean behin hustuko dituzte. Batutakoa Gasteizera eramango dute, Jungizen dagoen instalazio batera. Edozelan ere, edukiontziak erabili ahala zehaztuko dituzte erabiltzeko moduak.
Olioak batzeko ekimena
Bestalde, birziklapenarekin lotutako kontuekin segituz, Andres Osinagak jakinarazi digu oraingo astean hasi direla etxeko olioa batzeko erabiliko duten txabola konpontzen. Elosu enpresak egingo ditu lanok. Eta esandakoaren arabera, nahiko laster bukatuko dituzte.