Urriaren 12an, Itur Zuri emakume elkarteak antolatutako, Kaleko XII. Margo Lehiaketa egin zen Aramaion. Lehiaketako gaia Aramaio eta bere ingurua izan ziren. Bergarako Juan Jose Altunak jaso zuen lehenengo saria. Hamasei urtetik beherakoetan Izar Elorza aramaioarra izan zen lehenengoa.
Hamasei urtetik gorakoetan, lehenengoak 600 euroko saria jaso zuen; hamasei urtetik beherakoetan, berriz, 150 euroko saria jaso zuen irabazleak.