Arrola Mendizale Taldearen bitartekaritzarekin, datorren eguenean ikusi ahalko dira, Torresoroan, 18:30etik 20:00etara, hiru dokumental hauek: Aldabide, K2 Mon Amour eta Un printemps au Mont Blanc.
Lehenengo filma euskal dokumentala da, eta espeleo-urpekaritzaren munduan murgiltzen du ikuslea; bigarrenak K2 gailurra oxigeno barik igo eta parapentean jaistean datzan abentura kontatzen du; eta hirugarrenak paisaia zurituetan eskiatzeko gozamena du ardatz.