Txapelketari "emozio pixka bat" jartzeko asmoz antolatu du porra Kaleko bertso eskolak. Bertsozaleek urriaren 16an eta 23an jasoko dituzte lehiaketan parte hartzeko xehetasunak bertso eskolako kideen partetik, erdigunean jarriko duten postura bertaratuta.
Finalaurrekoen lehen itzulia urriaren 24an hasiko da, eta zazpi saio-irabazleek, puntuz sailkatutakoek eta 2022ko finalistak –Maialen Lujanbio– hartuko dute parte. Lau saio izango dira, bakoitzean sei bertsolarirekin. Bigarren fasera hamazortzi sailkatuko dira, eta hiru plazatan egingo dute bertsotan, seinaka ostera ere. Finala abenduaren 20an izango da, Iruñeako Nafarroa Arenan.