Baxenafartarrak goizean iritsiko dira, 10:30en bueltan, eta lehenengo ekintza ongietorria egitea izango da. 13:30ean kale-giroa alaitzeko trikipoteoa egingo dute, eta handik ordubetera joango dira Olalde pilotalekura, elkarrekin otordua egitera.
Herritarrek bazkarirako tiketak erosi ditzakete liburutegira bertaratuta edota udalaren komunikazio kanalen bitartez, urriaren 19a izanik azken eguna. Menu orokorrak 25 euro balio du –ikasle eta gazteentzat 20 euro–, eta haurrentzako menuak 15 euro. Bazkal ostean musika saioarekin jarraituko du 40 urte baino gehiagoko adiskidantza ospatzeko egunak.