Antzuolako Udaleko Gizarte Zerbitzuek 70 urtetik gorako adinekoen egoera eta bizi-kalitatea ezagutzeko ikerketa bat abiatu dute. Hasteko, galdetegi bat egingo diete adineko antzuolarrei. Horren nondik norakoak azaltzeko bi bilera ireki deitu dituzte Landatxopen, irailaren 15ean eta 17an, 16:30ean.
Ikerketaren helburua informazio zehatza jaso eta etorkizunerako plangintza egokia egitea da, eta, horretarako, herri osoko ikuspegia hartu gura dute kontuan, galdetegia 70 urtetik gorako pertsona guztiei eginda.
Landatxopeko bileretara joan ezin duenak aukera izango du galdetegiaren arduradunaren (Markel Manuel) bisita jasotzeko etxean. Aurretik telefonoz deituko die hitzordua jartzeko.
Ekarpen bakoitza oso garrantzitsua dela iritzita, adineko guztiak animatu ditu parte hartzera udalak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.