Egun handia izaten da Artzain Eguna Amaiur (Nafarroa) inguruan. Hainbat ekintza izaten dira antolatuta egun horretan, eta aipagarrienetako bat artzain-txakur txapelketa izaten da. aurtengoa, gainera, berezia izan da, txapelketaren 50. urteurrena zen eta. 12 parte-hartzaile izan dira aurtengo edizioan, baina, azkenean, garaikurrak Debagoienerako bidea hartu du, Javier Gastañaga antzuolarra eta Cool txakurra izan dira-eta irabazleak.
393 puntu eskuratuta irabazi du Gastañagak txapelketa. Gertutik jarraitu diote bigarren postuan gelditu diren Julio Bayot eta Tuca txakurrak, baina, azkenean, 383 puntu eskuratu du Valentziako artzainak. Mikel Pagazaurtundua bizkaitarrak eta Lay txakurrak itxi dute podiuma, 367 punturekin.
