Su hartu du gaur, astelehena, Deskarga mendateak. Zubillaga, Goierri eta Korostiko suhiltzaileak bertaratu dira hau itzaltzera, basozainekin batera, eta azaldu dutenez, sutea kontrolpean aurkitzen da dagoeneko. Bertaratu diren suhiltzaileak azken lanak egiten dabiltza une honetan.
Antzuolako udal ordezkariek azaldu dutenez, aurreko astean zenbait egur erre ziren inguru horietan. Erreketa erabat itzali zela uste arren, dirudienez, lur azpian erabat itzali gabeko sugarrak gelditu ziren, eta gaurko beroarekin berriro piztu dira garrak.