Datorren ostiralean, ekainak 5, hasiko dira Ondarre auzoko jaiak, Amets Arzallus eta Jexux Mari Irazu bertsolariek girotutako afariarekin. Mahaiaren bueltan jartzeko izena eman behar dela gogorarazi dute jaietako antolatzaileek.
Maiatzaren 31rarte egongo da tiketak erreserbatzeko aukera, 633 85 32 40 zenbakira hots eginda. 25 euroren truke, sarrerakoak, oilasko errea, azken burukoa eta edariak banatuko dituzte.
Egitarauarekin jarraituta, zapatu goizean, hilak 6, Aiastui lagunarteak girotutako ginkana izango dute haurrek, 11:00etan; domekan, azkenik, prozesioa, dantzariak eta salda-dastatzea izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.