Mohamed Lamine sahararraren gorpua itsasoan aurkitu zuten astelehenean, Almerian (Espainia), eta haren heriotza salatzeko elkarretaratzea egin dute Antzuolan. "Milaka izan dira sorterrian lortu ezin zituzten bizi-baldintza duinak gure artean lortu ahal izateko ahaleginean hildakoak. Errealitate honek, oraingoan, zuzenean kolpatu du Antzuolako familia bat", nabarmendu dute.
Hala, Rafiari eta haren familiari elkartasuna adierazteko helburuarekin egin dute mobilizazioa. "Gure artean inor ez dela ilegala aldarrikatzeko eta Espainiako Gobernuaren konplizitatea salatzeko".