Beste urte batez hogeita hamar bikotek baino gehiagok hartu dute parte Antzuolako mus txapelketan, eta lau jardunaldi jokatu dituzte denera: hiru kanporaketa eta finala. Azken horretan zortzi bikotek hartu zuten parte atzo Ongietorri jatetxean. Markel Letek eta Gorka Etxezarretak jantzi zuten txapela, baina beste bikote batzuek ere jaso zituzten sariak. Izan ere, martxoaren 7ko Gipuzkoako kanporaketan bost bikotek ordezkatuko dute Antzuola: Larrea-Murua, Zubikarai-Iturbe, Iparragirre-Lizarralde, Ortiz-Gartzipascual eta Lete-Etxezarreta.