Bidegik jakinarazi duenez "tunelaren segurtasun gutxieneko baldintzen gaineko 2004/54/CE Europako Zuzentarauak ezarritakoa betetzea" da itxieraren arrazoia; hau da, tunelaren segurtasun neurriak betetzen direla ziurtatzea. Horregatik, AP-636ko tunela itxita egongo da urtarrilaren 26tik, urtarrilaren 27rako gauean, Bergarako noranzkoan, eta, urtarrilaren 27tik, urtarrilaren 28rako gauean, Beasaingo noranzkoan.
Ordezko bidea
Hala, igandeko astelehenerako gauean, tunelaren aurreko irteera hartzea, eta, GI-2632 errepidetik, Deskargako gaina zeharkatuz, Antzuolarainokoa egitea gomendatu du Bidegik; behin Antzuola igarota, 19. sarreratik, AP-636ra berriro sartzeko. Astelehenetik astearterako gauean, bestalde, ibilbide bera alderantziz egin beharko da: Antzuolako 19. irteera erabili eta Urretxu eta Zumarraga aurreko biribilgunetik, AP-636ra berriro sartu.