Herritarrek 18:00etatik 20:00etara bisitatu ahal izango dute argazkiz, idatziz eta bestelako materialez osatutako espazioa, baita domekan ere, 11:30etik 14:30era goizez eta 18:00etatik 20:00etara arratsaldez. Datorren astelehenetik asteazkenera, ostera, eskolako ikasleek izango dute erakusketa bisitatzeko aukera.
Erakusketa hori Elgetan jarri zuen ikusgai joan den abenduan bertako Palestinaren aldeko taldeak, eta orain antzuolarrei egin diete herrialde hartako egoerari buruz kontzientziatuta jarraitzeko gonbidapena: "Izan ere, gure helburua, genozidioa salatzeaz gain, Palestinako gaia komunikabideetatik ia desagertuta dagoen une honetan presente mantentzea da; negua izanda, palestinarren egoera gehiago gogortu da, eta premiazkoa da eutsi ezinezkoa dela ohartaraztea", adierazi du Antzuola-Palestina taldeko Pilar Etxanizek.
Dokumentala ere bai
Ildo beretik, hilak 23, ostirala, 2024an estreinatutako No other land dokumentala proiektatuko dute Torresoroan, 19:30ean hasita.