Aparkalekua tokatzen zaienek 60 euroko tasa ordaindu beharko dute. Erabiltzaileek hainbat baldintza bete beharko dituzte: eskatzaileak gutxienez bi urteko antzinatasuna izan beharko du Antzuolan erroldatuta. Herrian bizi dela eta dagokion ibilgailuaren zerga herrian ordaintzen duela ere egiaztatu beharko du. Onuradun edo familia bakoitzak ibilgailu bakarra aparkatu ahal izango du.
Horretaz aparte, Udalak jakinarazi du arauak ez betetzeak edo erabilera desegokiak aparkalekua erabiltzeko eskubidea galtzea ekarriko duela.