Hala, abenduaren 24an, 12:30ean, Zurrategi plazan luntxa eskainiko dute taldeko kideek, eta herriko denda, taberna eta ekoizleen produktuekin osatutako saski eder bat zozketatuko dute. Ekitaldi hori baliatuko dute Bilbon urtarrilaren 10ean egingo den manifestaziorako deialdi berezia egiteko eta plazara bertaratzen diren guztiekin argazki bateratua ateratzeko.
Manifestazio horretara joateko autobusa ere antolatuko dute. Irteerak Sagastiko autobus geltokitik izango dira, 10:45ean eta 15:00etan. Autobuserako izen-ematea Aitz Garbi tabernan egin beharko da, urtarrilaren 7a baino lehen.
Bestalde, urtarrilaren 2an urteko lehenengo kontzentrazioa egingo dute Zurrategin, arratsaldeko 19:00etan.