Kooperatibako arduradunek zehaztu dutenez, Goizperren hamaika sortzaileei eta haien familiei egingo diete omenaldia, "eta baita proiektuaren parte izan eta gaur egun gure artean ez dauden bazkide guztiei ere". Gehitu dutenez, "haien ikuspegia, ahalegina eta lana eskertzeko ekitaldia izango da; utzi ziguten ondare humano, industrial eta kooperatiboa gogoratuko dugu, gaur egun ere erakundean bizirik dirauena".
Omenaldi horren bidez, balio kooperatiboen bitartez proiektuaren oinarriak ezarri zituzten pertsona guztien ekarpenak nabarmendu gura ditu Goizperrek: "Gaur egun ere hazten, eraldatzen eta Antzuolarekin eta bere komunitatearekin lotura estua mantentzen duen enpresa-proiektu baten oinarri diren ekarpenak".
Ekitaldi horretara, hain zuzen ere, Goizperko sortzaileez gain, hilda dauden bazkideen familiak, bazkide ohiak eta gaur egungo bazkideak ere gonbidatuak izango dira.