Sailkapenaren lehen bi tokietan dauden taldeak nor baino nor gehiago ariko dira bihar, zapatua, 16:00etan, Eztalan: Urola eta Antzuola. "Partidu polita bezain gogorra izango da. Iaztik ezagutzen dugu elkar,eta gogo handiz hartzen dugu partidua. Herritarrak Eztalara igotzera animatzen ditugu", esan du Unai Murgiondo entrenatzaileak.
Antzuolak lau partidu irabazi eta bat berdindu du, eta Urolak, bostak irabazi. Gainera, emaitzek erakusten dute bikain hasi duela denboraldia etxeko taldeak: gol gutxien jaso duen taldea da. "Pozik eta konfiantzarekin gaude. Talde gaztea gara, baina serioa eta sendoa. Gol asko sartzen ditugu eta gutxi jaso. Hamalau partidu bakarrik ditu lehen faseak, eta oso garrantzitsua izaten da liga ondo hastea".
Helburu zehatz barik
Orain arteko ibilbidea oso ona bada ere, antzuolarrek ez dute helburu zehatzik finkatu denboraldirako: "Astetik astera joango gara. Egunerokoan hobetzen joatea da jokalariei eskatu diedana. Ostean, ikusiko dugu noraino heldu gaitezkeen".
