Herriko Oinarineko dantzariez gainera, Arrasateko Lore Gazteak, Aretxabaletako Leizarra, Oñatiko Oñatz, Zumarragako Irrintzi, Soraluzeko Urrats eta Legazpiko Korosti taldeetakoak elkartuko dira, egun-pasa ederra egiteko gogoz.
Urteko azkena
Herriko txistularien kalejirarekin zabalduko dute egitaraua, eta, gonbidatuei harrera egin ondoren, 11:00etan hasiko dira kaleetan zehar dantzan. 12:30ean herriko plazan batuko dira denak, elkarrekin dantza saioa egiteko, eta 13:30etan etxeetara joango dira bazkaltzera; ondoren, 17:30ean hasita, beste dantza saio bat egingo dute: dantza batzuk talde guztiek elkarrekin eta beste batzuk, berriz, talde bakoitzak berea erakutsita.