Bertsolaritzari "hutsetik heltzeko" aukera izango dute ia herritar guztiek 2025-2026 ikasturtean ere, martxan baita bertso eskolan izen-ematea. Martitzenetan izango dira gaztetxoendako saioak, lehen hezkuntzako laugarren mailatik DBHko hirugarren mailara artekoei zuzendutakoak, 17:00etatik 18:00etara, Jon Mata Etxaniz antzuolarraren eskutik; hala ere, egun eta ordu horretan bertaratzea ezinezkoa izanez gero, "hitz egin daiteke". Doakoak izango dira saioak, eta, interesa izanez gero, mezu bat bidali behar da bertsotanjolas@gmail.com helbidera izen-abizenak, jaiotza data eta tutorearen kontaktua adierazita, urriaren 1a baino lehenago.
Helduagoek ere izango dute bertsotan aritzeko aukera, gaztetxoen eran; kasu honetan, Kaleko bertso eskolaren eskutik. Batetik, hasiberriei zuzendutako eskolak izango dira, martitzenetan, 18:00etatik 19:00etara; bertsotan zerbait gehiago dakitenendako, berriz, 19:00etan hasita. Horretarako, bertso eskolako Whatsapp taldera batzeko eskaria egin dute.