Urriaren 18an izango da Antzuola-Aiherra eguna, Aiherran

Urriaren 19a da Antzuolaren eta Aiherraren (Nafarroa Beherea) arteko senidetzearen egun ofiziala, bi udalek horrela hitzartu ondoren iaz, baina egun batez aurreratu dute aurten hitzordua, urriaren 18an –zapatua– izango dela jakinarazi baitu Udalak, Aiherran. Hori dela eta, data gordetzeko eskaria egin die herritarrei Olatz Lezeta alkateak, parte hartzera animatzekoa. 41. urteurrena izango da, eta, ohi den eran, autobusa antolatuko dute joan-etorria egiteko; horrez gain, bazkaria izango da ekintza nagusienetako bat, eta bestelako ekintzaren bat ere egingo dute, gaur-gaurkoz zehaztu gabe dagoen arren.