Joxe Angel Arbuluk, Antzuolako Jubilatuen Elkarteko Lehendakariak azpimarratu duenez, jubilatuek egiten duten urteroko hitzorduan "oso gustura aritu dira: "Meza izan da elizan nahi zuenarendako, eta gero bazkaria. Inkesta txiki bat egin dugu, eta jendea gustura geratu da menuarekin. Zapiari dagokionez, berriz, adinekoenek ez dute jasotzen zapia, izan ere, urtero berberek jasoko lukete. Arau bat dugu ez errepikatzeko, eta hala, aurten, Karmele Sansebastian eta Alfonso Nieto izan dira zapia jaso dutenak. Gero, dantzaldiarekin borobildu dugu eguna".