Lasterketak urteroko ibilbidea izango du (116km) eta mendateei dagokionez Deskarga gainditu beharko dute birritan, eta Asentzioko maldak azkenik, 102. kilometroan. Esan moduan, lasterketan izango dira iaz etxean debuta egin zuen Unax Errasti antzuolarra (Finisher/Kern Pharma), Aimar Erostarbe oñatiarra (Caja Rural-Alea) eta Beñat Iñarra aramaioarra (Electro Alavesa-Zuia).
Hain zuzen, normalean Asentzioko maldak izaten dira azken aukeraketa egiten dutenak, nahiz eta Bergara jaitsita oraindik Antzuolara arteko tartean denetik gerta daitekeen. Baina, joan den astean Unax Errastik berak aitortu moduan, iaz Deskargako lehenengo igoeratik hasi zen lasterketa erabakitzen. Ikusteko dago onena ihes eginda iritsiko den ala antzuolarrek plazan esprinta ikusiko duten –Helmuga 12:20 inguruan–.