Eguerdian, tabernako terraza jendez gainezka aurkitu dugu. Antzuolarrak bertan bildu dira azken aldiz jan, edan eta elkarrekin egoteko. Bertaratutakoak penaz aurkitu ditugu, askok tabernako zerbitzu ona goraipatu dute, herrian hutsune handia utziko duela azpimarratuz.
Azken aldiz bertaratu direnek oroitzapen ugari eta askotarikoak dituztela aitortu digute, izan ere, urte luzez Larrea taberna izan da hainbat kintoen bazkari, jaunartze eta mota askotako ospakizunen aterpe.
Rodriguezen eta Unamunoren ilobek eta Antzuolako kuadrilla batek eginiko omenaldia.