Azken urtean Antzuolan erroldatu diren herritarrei ongietorria egin die Udalak. 11:00etan elkartu dira udaletxean, eta ongietorria emanez hasi du hitzartzea Olatz Lezeta alkateak. Herriaren historia, euskara eta garraio publikoa izan ditu ardatz, besteak beste, eta udaletxeko harrera amaituta, herrian zehar ibili dira.
Udaletxetik atera eta, eskola, liburutegia, eguneko zentroa, jubilatuen etxea, Olaran edota gimnasioa bisitatu dituzte, besteak beste. Ostean, hamaiketakoa egin dute Eperra elkartean, eta herriko informazioa eta oroigarria jaso dituzte.