Ordubete, bost minutu eta 51 segundo behar izan ditu Ibai Larreak 14,3 kilometroko ibilbidea egiteko Canfranc-en, eta, hala, brontzezko domina eskuratu du gizonezkoen absolutuan, Goierri Garaia taldearekin. Jan Torrellak egin du lehenengo, 1:05:25eko denbora eginda, eta Alejandro Garciak, berriz, bigarren, 1:05:51ko denborarekin, Larrearen berberarekin.
Irailaren 25etik 28ra jokatuko da munduko txapelketa Canfrancen, eta han parte-hartzeko aukera izango dute lehendabiziko biek; Larrea, horrenbestez, ez da txapelketa horretan izango.