Bergara ezagutzen izenpean, Olaso Dorrea eta Laboratorium Museoa ezagutzeko aukera izango dute antzuolarrek, Landatxope elkartearen eskutik. Horretarako, 10:00etan elkartuko dira Bergarako San Pedro elizaren aurrean, eta bi taldetan banatuko dira; ondoren, bisitak amaitzean, Sanjoxepe elkartean bazkalduko dute.
Joan-etorria norbere kontura egingo da, baina joateko bi hitzordu jarri dituzte: oinez joan nahi dutenak goizeko bederatzietan elkartuko dira Herriko Plazan, eta garraio publikoa erabili nahi dutenak, berriz, 09:30ean, autobus geltokian. Bazkideek hogei euro ordaindu beharko dituzte irteerarengatik; ez direnek, aldiz, 25 euro.