Jose Mari Iturbek gidatuta, Lizarraga errekan barrena, errotei buruzko ibilbide gidatua egin dute gaur, "ondarea zaintzeko" helburuarekin. Antzuolako plazan hasi dute ordubete inguruko ibilaldia, eta hainbat errota ezagutzeko aukera izan dute bidean zehar.
Lehen geldialdia Txanbolin errota zegoen tokian egin dute, eta handik Larrebarrera abiatu dira. Ondoren, Indarretxeko errotan egin dute geldialdia eta Laskurain errotatik pasatu ostean iritsi dira Akiñabei errotara.
Azken errota horretan, Iturbek bertako funtzionamendua azaldu du, eta errota martxan jarrita, irina nola ateratzen den erakutsi die bertaratutakoei. Bisitariek prozesua zuzenean ikusi ahal izan dute. Bisitarekin amaitzeko, mokadutxoa egin dute Akiñabei errotan bertan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.