Txupinazoarekin eta txapa janzte bateratuarekin emango diote hasiera gaur, maiatzak 15, Euskaraldiari antzuolarrek, Zurrategi plazan. Halere, ez da egunotako ekintza bakarra izango.
Hilaren 20an, martitzenean, esate baterako, Antzuolako kirolariekin osatutako hamaikakoren aurkezpena egingo da, eta argazki bat aterako dute. Maiatzaren 22an, berriz, eguenean, bakarrizketa saioa izango da Torresoroan, 18:30ean hasita: Manex Astigarraga, Antton Telleria eta Xabin Fernandez arituko dira oholtza gainean euren bakarrizketak egiten. Azkenik, hilaren 23an, hika ariketa egingo dute gaztetxean, 18:30ean.
