E-Goitek Kirol Zerbitzuen eta Antzuolako Udalaren eskutik, entrenamendu gidatuak izango dira aurrerantzean udal gimnasioko fitness gelan eguen goizetan. Hain zuzen, goizeko hamarretan hasiko dira saio horiek, eta ordurako han izango den irakasle batek gidatuko ditu, ordu erdiz, taldearen beharretara egokituta; horrenbestez, azpimarratu dute edozein pertsonak har dezakeela parte.
Saioei dagokienez, askotariko modalitateak probatzeko aukera izango dute herritarrek, eta sustatzaileek zehaztuta dute zer egingo duten eguen bakoitzean maiatzera bitartera arte: apirilaren 10ean, indar errutina saioa izango da; apirilaren 24an, hiit ariketak; maiatzaren 8an, core ariketak; maiatzaren 15ean, hiit; maiatzaren 22an, indar errutina; eta maiatzaren 29an, azkenik, hiit.
