Ekainaren 30etik uztailaren 17ra, herriko jaien hasierara, egingo dira aurten udalekuak, 09:30etik 13:00etara, eta 4 urtetik seigarren mailara arteko antzuolarrek, biak barne, dute izena emateko aukera hilaren 16ra arte. Horretarako, udaletxera edo liburutegira jo behar da, edo mezu bat bidali daiteke udala@antzuola.eus helbide elektronikora; izena emateko inprimakia entregatu behar da, eta baita ordainagiria aurkeztu ere.
Kuota arruntari dagokionez, 84 eurokoa izango da, baina beherapena izango dute familia ugariek eta laguntza ekonomikoak jasotzen dituztenek: hurrenez hurren, 56 eta 10 euro ordaindu beharko dituzte. Horretarako, bi kontu korronte jarri dituzte interesatuen eskura: ES16 2095 5070 7410 6002 4477 (Kutxabank) eta ES45 3035 0040 1304 0090 0009 (Laboral Kutxa).
Begiraleen izen-ematea
Begiraleek ere hilaren 16ra arte eman dezakete izena honako formulario hau beteta.
