Maiatzaren 9an eta 10ean jokatuko da Atzeko Txapelketa, Olalde Pilota Elkarteak antolatuta, eta domekara arte, martxoaren 30era arte, dago izena emateko aukera: labur.eus/olaldetorneoa. 15 euroko prezioa du izen-emateak, kamiseta barne, eta jakinarazi dute edozein adinetako herritarrek eman dezaketela izena.
San Isidro Txapelketa
Hego Euskal Herriko 64 pilotarik eman dute izena San Isidro Txapelketaren laugarren edizioan, eta martxoaren 16an eman zioten hasiera, Antzuolako udal pilotalekuan. Gaur-gaurkoz, final laurdenetako ligaxka jokatzen dabiltza, eta etzi, martxoak 30, izango da hirugarren jardunaldia. Azkenekoari dagokionez, apirilaren 6an izango da.
Nagore Sanchez eta Garazi Aranburu antzuolarrek jokatu dituzte jada partiduak, baina ez dira finalerdietara sailkatu; domekan, Paule Alberdik, Izaro Irizarrek eta Elene Uribesalgo izan dezakete horretarako aukera, pilotan arituko baitira.
