Lehenengo aldia du Olatz Insausti pilotari antzuolarrak Ados Pilota klubak antolatutako binakako txapelketan, eta finalera iritsi da, jada eskarmentua duen Nahia Bertiz bikotekide duela, Promozio Mailan txapelduna izan baitzen iaz. Bada, maila berean aritu dira aurten ere, eta, horrenbestez, hor jokatuko dute zapatuan finaleko partidua, Marta Gomezek eta Alize Sagarduik osatutako bikotea aurrez aurre dutela.
Promozio Mailakoen partidua amaitu ondoren hasiko da Lehen Mailakoena: Iera Iturriagak eta Ana Mendiburuk jokatuko dute, Leire Oskozen eta Naroa Agirreren aurka.
