Energia trantsiziorako informazio guneak irekitzen dabiltza bailarako herrietan, eta ostiraletan irekiko dute Antzuolakoa, 09:00etatik 14:00etara, udaletxean. "Mankomunitateak herritarrak eta merkatari txikiak energiaren inguruan informatu, sentsibilizatu eta ahaldundu nahi ditu, eta hainbat gaiei buruzko informazioa emango du horretarako", azaldu du Udalak.
Hain zuzen, gaiei dagokienez, honako hauek dira, besteak beste: argindarraren edota gasaren fakturetan agertzen den informazioa; merkatu arautuan eta librean dauden aukerei buruzkoa; datu historikoetan oinarrituz, horniketa bakoitzari dagokion potentzia optimoaren azterketa; etxean instala daitezkeen energia berriztagarrien inguruko informazioa; etxebizitzaren birgaitze energetikoaren alorreko aholkulariak; eta laguntza ekonomikoei buruzko orientazioa.
Informazioa eskatzeko erak
Telefonoz eta helbide elektronikoz ere eska daiteke informazioa, 747 48 51 47 telefono zenbakira deituta edo energiabulegoa@debagoiena.eus helbidera mezu bat bidalita. Mankomunitateak informazioa jarri du herritarren eskura energiabulegoa.debagoiena.eus webgunean ere.
