Udalak jakinarazi duenez, martxan da Lapatzako neurri bereziko ibilgailuen aparkalekuan izena emateko aukera: urtarrilaren 30a, eguena, da horretarako azken eguna udaletxean, eta hurrengo egunean, hilaren 31n, egingo da zozketa. Kontratuak urtebeteko epea izango du eta 60 eurokoa izango da tasa.
Erabiltzaileek, ordea, baldintza batzuk bete behar dituzte: batetik, Antzuolan erroldatuta egon behar dira gutxienez bi urtez eskaera aurkeztu aurretik, eta, gainera, Udalak ohartarazi du egiaztatu egingo dela herrian bizi dela; bestetik, ibilgailu zerga ordaindua izan behar du eta, azkenik, familia edo onuradun bakoitzak plaza bakarra izango du. Horrez gain, jakinarazi du "erabilera desegokiak edo arau-hausteak eskubidea galtzea" ekarriko duela.
