Salgai daude Hamelingo txirularia musikala ikusteko sarrerak, Entradium plataforman: 15 euroko prezioa du ohikoak, eta 10ekoa, berriz, ikasleenak. 19:00etan izango da emanaldia, baina eguerdian, 13:30ean, txirularien eta arratoien desfilea egingo da herrian zehar eta 14:00etan, berriz, aurkezpena Zurrategiko kioskoan.
Grimm anaien kondaira oinarri hartuta, Bergarako Antzerki Musikalak sortutako lana da. Hamar musikariz osatutako dago zuzeneko orkestra, eta 30 aktore eta abeslarik hartzen dute parte; horrez gain, 40 umez osatutako abesbatza ere bada. Valen Moñux eta Ander Arruti dira ikuskizunaren zuzendariak, eta Bergarako Antzerki Musikalaren hamahirugarren ikuskizuna da. Bergaran egin zuten estreinaldia azaroaren 9an.
