Euskal Herriko etxebizitza sindikatu ezberdinek deituta, etxebizitza eskubidearen aldeko manifestazioak hartuko ditu bihar Bilboko kaleak, "etxebizitzaren negozioaren eta politikarien eta instituzioen fartsaren aurka" kalera ateratzeko, eta "doako eta kalitatezko etxebizitzaren alde" egiteko. 220 eragile inguruk egin dute bat mobilizazioarekin, eta hara joateko elkarguneak antolatu dituzte, gainera: Debagoieneko kasuan, Arrasaten 11:30ean geldituko dira La Caixaren blokeetan eta Bergaran, berriz, 11:45ean, hilerrian.
Etxebizitza eskubidea bermatu, negoziazioari ez lelopean, mobilizazio nazionala egingo dute bihar, hilaren 14an, Bilbon, 13:00etan.