Landatxope jubilatu eta pentsiodunen elkarteak antolatuta, Arrikrutzeko kobazuloak ezagutzeko aukera izango da, irteera egingo baitute abenduaren 10ean. Hala ere, ez da eguneko ekintza bakarra izango: 10:00etan aterako da autobusa Antzuolatik, eta hamaiketakoa izango dute 10:30ean Oñatiko Pake-Leku elkartean. Arrikrutzeko bisita gidatuari dagokionez, 12:00etan izango da, eta, amaitzean, Zapore jatetxera joango dira bazkaltzera, 14:30ean. Amaitzeko, arratsaldean, Txokolateixia Interpretazio Zentroa bisitatuko dute.
Bazkideek 40 euro ordaindu beharko dute irteerara joateko; ez direnek, aldiz, 45 euro.
