11:30etik 14:30era egingo da, hain zuzen ere, Gabonetako azoka, iazko egun berean, Zurrategi plazan. Herriko sortzaile eta artisauek ez ezik, parte hartzeko aukera izango dute bigarren eskuko gauzak salgai jarri nahi dituzten herritarrek ere; bada, horretarako, abenduaren 21era arte dago izena emateko aukera, udaletxean bertan. Udalak emandako azalpenen arabera, haren ardura izango da azokan beharrezkoak diren mahaiak jartzea; gainontzeko materialari dagokionez, ordea, postua jarri nahi duenaren ardura izango da.
Udalak antolatuta, iaz egin zuten lehenengo aldiz Gabonetako azoka Antzuolan: abenduaren 24an izan zen, goizean, eta, izandako erantzunaren ondoren, horrela egingo dute aurten ere; hala, Udalak zabalik du dagoeneko izen-ematea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak