Helduen lasterketan parte hartzeko hamar dortsal zozkatuko dituzte antzuolarren artean eta gazteen ibilbiderako, berriz, bost. Hala, interesa izanez gero, mezu bat bidali behar da antzuolako8m@gmail.com helbidera: izen-abizenak, jaiotza data eta telefono zenbaki bat jarri behar dira. Abenduaren 11n, eguaztena, egingo da zozketa arratsaldeko zazpietan, eta egun hori izango da, hain zuzen ere, dortsalen zozketan izena emateko azkenekoa, goizeko hamarrak arteko tartea baitago horretarako.
Dortsalik lortzen ez duten herritarrek, hala ere, izena emateko beste aukera bat izango dute, abenduaren 21ean irekiko baita izen-emate ofiziala: herrikrosa.eus webgunean izango da goizeko bederatzietan.
