Debagoienean Errekak Bizi Auzolanean egitasmoarekin bat egin, eta erreka auzolana egingo dute zapatuan, urriaren 12an, Antzuolan. 09:30ean hasiko da, Herriko Plazan elkartuta, eta hamaiketakoa izango da amaitzean. Parte-hartu nahi izanez gero aski da egunean bertan hara azaltzearekin, baina aurrez izena ere eman daiteke honako helbide honetan: labur.eus/errekakbizi.
Egitasmoak hirugarren aldia du aurten, eta urriaren 19an egingo da Debagoieneko gainontzeko herrietan –Antzuolan astebetez aurreratu dute Aiherra-Antzuola eguna delako hilaren 19an–, "Deba erreka eta hori elikatzen duten erreka txikiagoen ezagutza eta naturarekin dugun harremanaren sendotzea" helburu izanik; baita herrikideen arteko ezagutza eta harremana sendotzea ere.
