Energia berriztagarrien auziaz arituko da Meaka-Irimo herri plataforma datozen egunetan, Energia berriztagarrien inplantazioaren beharra, bideragarritasuna eta naturan dituzten kalteak izenpean, hainbat ekintza antolatu baititu.
Maiatzaren 22an, eguenean, Aritz Otxandiano ingeniariak gai hortaz jarduteko hitzaldia emango du Olaranen, 18:30ean. Ekainaren 5ean, berriz, Antonio Aretxabala geologoaren txanda izango da; hain justu, Otxandianoren hitzaldiaren ordu eta leku berean emango du hitzaldia.
Hitzaldiez gain, ordea, izango da bestelako ekintzarik ere. Ekainaren 7an, egubakoitzean, Irimora irteera antolatu dute, eguraldiak baldintzatu dezakeen aurren. Hala, eguraldi ona eginez gero, 20:00etan elkartuko dira herritarrak Trekutzen elkarrekin afaltzeko; 21:00etan, Trekutzetik Irimora abiatuko dira, eta 22:00etan elkartuko dira tontorrean. 22:15ean egingo dute ekitaldia. Ekainaren 11n, berriz, elkarretaratze bat egingo dute Eusko Jaurlaritzaren atarian, Gasteizen; bigarrena izango da.
