12:00etan hasiko dituzte ekintzak, umeendako zumba saioarekin, eta buruhandiak eta globo gerra izango dituzte ostean, 13:30ean; 14:30ean, berriz, bazkaria egingo dute. Bazkalostea girotzeko, DJ Tigre arituko da musika jartzen, eta Kike Biguriren bakarrizketa saioa izango da ondoren; baita mus txapelketa ere, Mox tabernan.
Kontzertuak
Arratsaldeko seietan hasita, kontzertuak izango dira, gauera arte: Hiri Galduak, Sin Perdon, Maunaren Loa eta Patxi Luque arituko dira oholtza gainean, hurrenez hurren. Ondoren, DJ Tigre arduratuko da berriro ere giroa alaitzeaz, goizaldeko ordu biak arte.
