Nerea Gurrutxaga eta Oihane Vesga dantzariak izango dira, hain justu, datorren saioko gidariak, Mari Zaunka konpainiako kideak. 11:00etatik 13:30era egingo dute saioa Torresoroa aretoan, eta 16 urtetik gorakoei zuzenduta dago. Parte hartzeko, ordea, izena eman behar da aurrez: udaletxean, liburutegian edo udala@antzuola.eus helbidean.
Horrez gain, egun horretan bertan, arratsaldeko zazpietan, Erreka ondoan, bi gezur ikuskizuna eskainiko dute; eta ondoren, solasaldia egingo da. Bibe plataforman eskuratu daitezke sarrerak: 15 euroko prezioa du ohikoak; 7,5 eurokoa ikasle eta langabeenak; eta 12 urte artekoei dagokienez, doakoa da.
