Hilaren 20an, zapatuan, jokatu zen Euskal Herriko mus txapelketako lehen kanporaketa Okaldi tabernan, eta zortzi bikotek hartu zuten parte. Finalerako txartela, ordea, bik eskuratu zuten: Patxi Irizar eta Isidoro Quintana, eta Josue eta Aratz Madariaga. Hilaren 21ean, berriz, hamahiru bikote aritu ziren musean Mox tabernan, eta hiru igaro ziren finalera: Ander Aranburu eta Ion Etxezarreta, Mikel Gabilondo eta Axier Unamuno, eta Txomin Esnaola eta Iker Gardoki.
Hirugarren –eta azken– kanporaketari dagokionez, hilaren 28an, domeka, jokatuko da Arin tabernan, 16:30etik aurrera. Finala, berriz, otsailaren 4an izango da, Koxkor okindegian.
