Gipuzkoako Foru Aldundiarekin elkarlanean, Osasun mentala eta nerabeak hitzaldia antolatu du Antzuolako Udalak, nerabeen gurasoentzat. Estibaliz Antsotegi izango da hizlaria. Psikologian lizentziatua da, eta Ortzadar enpresan dihardu lanean 2002az geroztik osasunaren prebentzio eta sustapenerako proiektuetan hezitzaile eta koordinatzaile. Irakasleei, familiei eta bestelako osasun eragileei ere prestakuntzak ematen dizkie arlo horretan, eta, oraingoan, Treba Gurasoak programarekin izango da Antzuolan.
Urtarrilaren 15ean, astelehena, izango da hitzordua, baina aurrez izena ematea komeni da udala@antzuola.eus helbidean, izen-abizenak eta telefono mugikorreko zenbakia adierazita, edo udaletxean.