Euskal Herriko parke naturalak ezagutaraztea izango du asmo datorren urtean Arrola mendizale elkarteak. Bada, horren berri emango dute bihar, hilak 14, egingo duten aurkezpenean. Olarango bigarren pisuko areto nagusian izango da, 18:30ean.
Herritar talde baten ekimenez sortu da Parke naturalak proiektua, eta kirola sustatzeaz gain, helburu dute natura eta ondarea ere babestea, Euskal Herriko parke naturalak ezagutu ahala. Hala ere, sustatzaileek bihar emango dituzte proiektuaren xehetasun gehiago.
Aurrez, 17:30etik 18:30era bitartean, mendian federatzeko aukera izango da Olarango elkarteen gelan. Emailez ere, ordea, egin daiteke: arrolamt@gmail.com.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.