Haien arabera, "indarrez" sartu dira Antzuolako gaztetxean, eta zegoen diru apur bat lapurtzeaz gain, apurketak ere jasan ditu espazioak. "Egin duenaren partetik, ekintza lotsagarria iruditzen zaigu", adierazi dute gazte asanbladako kideek. Haien arabera, euren "intentzio onenarekin" dabiltza lanean gaztetxean, eta, beraz, ekintza "onartezina" dela uste dute. "Komunikatua egitea erabaki dugu herria jakinaren gainean egon dadin. Ekintzen aurrean, neurriak hartuko ditugu".
Era berean, eskerrak eman dizkiete egunerokoan gaztetxean jardunean dabiltzan herritar guztiei.