Garazi Abasolo nutrizionista aretxabaletarrak Nola elikatu mendian hitzaldia emango du hilaren 9an, eguena, Torresoroan, 18:30ean. Hilaren 11n, zapatua, berriz, mendi irteera eta baba jana egingo dituzte.
Ekintza horretan parte hartzeko, ordea, antolatzaileek jakinarazi dute izena eman behar dela. Zapatuan izango da horretarako azken eguna, eta arrolamt@gmail.com helbidera bidalitako mezuan adierazi behar da ea mendi irteeran, bazkarian edo bietan eman nahi den izena. Trekutz-Irukurutzeta-Trekutz izango da ibilbidea, eta 09:00etan izango da irteera. Bazkaria, berriz, Gaztelugain elkartean egingo da; 15 euro ordaindu behar dira. Jon Mata antzuolarra, Urko Arregi oñatiarra eta Mikel Iturriotz urretxuarra arituko dira bertsotan.
